ZAMONAMIZNING BUYUK MURABBIYLARI (2-QISM)

Zamonamizning buyuk murabbiylari haqidagi maqolamizni 2-qismini ham sizning hukmingizga havola qilamiz.

Guus Xiddink

Jamoa nomi	O’yin	G’alaba	Durrang	Mag’lubiyat	Ochko	G’alabalar foizda
«PSV» (Gollandiya)	295	199	54	42	651	67,45
«Fenerbaxche» (Turkiya)	30	12	8	10	44	40,00
«Valensiya» (Ispaniya)	219	103	54	62	363	47,03
«Real Madrid» (Ispaniya)	34	19	4	11	61	55,69
«Betis» (Ispaniya)	13	1	6	6	9	7,69
«Chelsi» (Angliya)	21	15	5	1	50	71,43
«Anji» (Rossiya)	65	34	15	16	117	52,31
Umumiy	677	383	146	148	1295	56,57

Sovrinlari soni: 14 ta

Chempionlar Ligasi g’olibi – 1marta

Qit’alararo Kubogi g’olibi – 1marta

Gollandiya chempioni – 6 marta

Mamlakat Kubogi sohibi – 5marta (Gollandiya -4, Angliya -1)

Gollandiya Superkubogi sohibi – 1 marta

   Gollandiyalik «omadli murabbiy» terma jamoalar bilan yuqori natijalarni qayd etgan. Shunga qaramasdan klublarda ham samarali faoliyat olib borishga muvaffaq bo’lgan. U ayniqsa «PSV» Eyndxovenda samarali faoliyat olib bordi. 6 marotaba mamlakat chempioni bo’lganligi esa so’zimizning isbotidir. Xiddink Turkiya, Ispaniya, Angliya va Rossiya chempionatlarida ham murabbiylik qilgan bo’lishiga qaramasdan, ushbu chempionatlarda zafar qucha olmaganligi biroz g’alati tuyulishi mumkin. «Fenerbaxche», «Real», «Valensiya» va «Chelsi» jamoalari o’z yurtlarida gegemon sanalishsa ham Guusga bu klublar bilan chempionatda shoxsupaga ko’tarilish nasib etmadi. Ispaniyaning «Betis» klubidagi faoliyati esa eng yomoni hisoblanadi. Xiddink umumiy hisobda 14 ta sovringa ega chiqadi, jumladan 1988 yili Eyndxovenliklar bilan Chempionlar ligasida zafar quchdi.

Karlo Anchelotti

Jamoa nomi	O’yin	G’alaba	Durrang	Mag’lubiyat	Ochko	G’alabalar foizda
«Rejjina» (Italiya)	41	17	14	10	65	41,46
«Parma» (Italiya)	87	42	27	18	153	48,28
«Yuventus» (Italiya)	114	63	33	18	222	55,26
«Milan» (Italiya)	423	238	101	84	815	56,26
«Chelsi» (Angliya)	109	67	20	22	221	61,47
«PSJ» (Fransiya)	77	49	19	9	166	63,64
«Real Madrid» (Ispaniya)	31	25	4	2	79	80,64
Umumiy	882	501	218	163	1721	56,80

Sovrinlari soni: 13 ta

Chempionlar Ligasi g’olibi – 2marta

UEFA Superkubogi g’olibi – 2 marta

Klublar o’rtasidagi jahon chempionati g’olibi – 1 marta

Intertato Kubogi g’olibi – 1 marta

Mamlakat chempioni – 3 marta (Italiya, Angliya, Fransiya)

Mamlakat Kubogi sohibi – 2marta (Italiya, Angliya)

Mamlakat Superkubogi sohibi – 2 marta (Italiya, Angliya)

   Karlo ota omadli murabbiylar toifasiga kiradi. U naq 5 ta grand jamoani boshqarishga muvaffaq bo’ldi. «Milan» bilan esa 2 marta Yevropani zabt etdi. Aynan «rossonerilar» bilan murabbiy sifatida yutishi mumkin bo’lgan barcha sovrinlarga ega chiqadi. Shundan so’ng «Chelsi»ga yo’l oladi va Londonliklar bilan Angliya Premer-Ligasida zafar quchadi. Angliyadagi 2 yillik sarguzashtlardan so’ng «PSJ» bilan Fransiya futbolini zabt etishga qaror qiladi va bu yerda ham o’z maqsadiga erishdi. Shundan so’ng esa yana bir «gigant» «Real» boshqaruv ruliga o’tiradi. Madridliklar bilan ushbu mavsumda barcha turnirlarda g’oliblik uchun da’vogarlik qilmoqda. Natijani esa yozda bilib olamiz. Anchelotti 13 ta jamoaviy, 11 ta shaxsiy yutuqlarni qo’lga kiritdi. Jumladan 1 marta dunyoning eng kuchli murabbiyiga aylandi. Murabbiylik faoliyati davomida jamoalari bilan 500 tadan ortiq g’alabalarni qo’lga kiritdi.

Fabio Kapello

Jamoa nomi	O’yin	G’alaba	Durrang	Mag’lubiyat	Ochko	G’alabalar foizda
«Milan» (Italiya)	210	110	70	30	400	52,38
«Real Madrid» (Ispaniya)	98	59	24	15	201	60,20
«Roma» (Italiya)	170	89	52	29	319	52,35
«Yuventus» (Italiya)	76	53	18	5	177	69,73
Umumiy	554	311	164	79	1097	56,13

Sovrinlari soni: 13 ta

Chempionlar Ligasi g’olibi – 1 marta

UEFA Superkubogi sohibi – 1 marta

Mamlakat chempioni – 9 marta (Italiya – 7, Ispaniya -2)

Italiya Superkubogi g’olibi – 2 marta

   Fabio Kapello «Milan»dagi dastlabki faoliyatida 5 yil ichida 4 marta «Skudetto»ga ega chiqadi. Chempionlar ligasi va Yevropa Superkubogida ham zafar quchdi. Shundan so’ng «Real Madrid» jamoasi bosh murabbiyligiga taklif qilinadi. Ispaniya chempionatida ham «oltin» medallarni qo’lga kiritgan murabbiy, og’ir ahvolga tushib qolgan «Milan» jamoasiga yana bir bor murabbiy sifatida qaytadi. Biroq bu safargi urunishlar zoe ketdi. «Rossonerilar» chempionatda o’rtamiyona jamoalar qatoridan o’rin egalladilar. Keyinchalik «Roma»ni qabul qilib olgan Don Fabio «bo’rilar»ga tarixiy chempionlikni hadya etdi. 5 yil davomida Rimda ishlagan murabbiy, keyinchalik «Yuventus»ni qabul qilib oldi.  «Keksa sinori»lar bilan ham 2 ta chempionlikni yutadi. Biroq «Kalchopoli» mojarolaridan keyin bu chempionliklar bekor qilinadi va Yuve «B» seriyaga tushirib yuborildi. Bunday vaziyatdan esa «Real» mutasaddilari unumli foydalanib, Kapelloni yana Madridga qaytarishadi. Natija esa yana Ispaniya chempionligi. Biroq CHLda muvaffaqiyatsizlikka uchragani uchun «Qirollik Klubi» murabbiyga javob berib yuborishadi. Shundan so’ng, Kapello Angliya termasida ish olib brogan bo’lsa, ayni patda Rossiya termasida faoliyat yuritmoqda.

Roberto Manchini

Jamoa nomi	O’yin	G’alaba	Durrang	Mag’lubiyat	Ochko	G’alabalar foizda
«Fiorentina» (Italiya)	27	6	5	16	23	22,22
«Latsio» (Italiya)	102	49	32	21	179	48,04
«Inter» (Italiya)	227	140	61	26	481	61,67
«Manchester Siti» (Angliya)	191	113	38	40	377	59,16
«Galatasaroy» (Turkiya)	18	11	3	4	36	61,11
Umumiy	565	319	139	107	1096	56,46

Sovrinlari soni: 11 ta

Mamlakat chempioni – 4 marta (Italiya -3, Angliya -1)

Mamlakat Kubogi sohibi – 4marta (Italiya -4, Angliya -1)

Mamlakat Superkubogi sohibi – 2 marta (Italiya, Angliya)

   Manchini o’z jamoalari bilan odatda chempionat bahslarida muvaffaqiyatli ishtirok etadi. Yevrokuboklarda esa buning aksi. Manchini «Inter» bilan 6 ta sovrinni qo’lga kiritadi. «Manchester Siti»da esa jamoani uzoq yillik tanaffusdan keyin chempionlik sari yetaklaydi. Mamlakat kubogi va superkubogida ham 1 martadan zafar qucahdi.  Qiziqarli fakt Roberto Italiya kubogida «Fiorentina», «Latsio» va «Inter» jamoalari bilan g’oliblikni qo’lga kiritadi. Hozirda «Galatasaroy» jamoasini boshqarayotgan italyan, jamoasi bilan Chempionlar ligasida Italiyada hech kim to’xtata olmayotgan «Yuventus»ni musobaqadan chiqarib yubordi va Yevrokuboklardagi muvaffaqiyatsizliklarga biroz bo’lsa ham chek qo’ydi.

Rafael Benites

Jamoa nomi	O’yin	G’alaba	Durrang	Mag’lubiyat	Ochko	G’alabalar foizda
«Tenerife» (Ispaniya)	46	23	11	12	80	50,00
«Valensiya» (Ispaniya)	162	88	41	33	305	54,32
«Liverpul» (Angliya)	350	197	74	79	665	56,29
«Inter» (Italiya)	25	12	6	7	42	40,00
«Chelsi» (Angliya)	48	28	10	10	94	58,33
«Napoli» (Italiya)	27	18	4	5	58	66,67
Umumiy	658	366	146	146	1244	55,62

Umumiy sovrinlari soni: 10 ta

Chempionlar Ligasi g’olibi – 1marta

Yevropa Ligasi (UEFA Kubogi) g’olibi – 2 marta

UEFA Superkubogi g’olibi – 1marta

Klublar o’rtasidagi jahon chempionati g’olibi – 2 marta

Ispaniya chempioni- 1 marta

Angliya Kubogi sohibi – 1 marta

Angliya Liga kubogi g’olibi – 1 marta

Italiya Superkubogi sohibi – 1 marta

   Rafael Benites Ispaniya, Italiya va Angliya chempionatlarida ishlagan. Yevrokuboklarda esa 3 marotaba zafar quchgan. «Liverpul» bilan Chempionlar Ligasini yutgan Rafa,  dastlab «Valensiya», so’ngra esa «Chelsi» bilan Yevropa Ligasida g’olib bo’ladi. Angliyada 7 mavsum ishlagan bo’lishiga qaramay Benites Premer-Ligada zafar qozona olmadi. «Inter»ni esa Chempionlar ligasi g’olibi sifatida qabul qilib olgan bo’lsada, jamoani haqiqiy inqiroz ko’chasiga yetakladi. Benites jamoaviy 10 ta, shaxsiy 9 ta sovrinni qo’lga kiritadi. 2005-yili esa Dunyoning eng yaxshi murabbiyi sifatida tan olinadi. 

P.S: Ma’lumotlar 22-yanvar 2014-yilgacha olingan.

Yusupov Furqat.

Manba: furqatyusupov.blogspot.com