KIM KUCHLI - ARSENAL, MANCHESTER DITI, CHELSI?

   Angliya Premer-Ligasida ushbu mavsumda chempionlik uchun asosiy uchta jamoa da’vogarlik qilmoqda. Biz mazkur klublarning barcha natijalarini hisoblab chiqib, tahlil qilishga qaror qildik. Mazkur maqolamiz aynan Angliya futboli tojini kiyish uchun kurashayotgan uch jamoaning ushbu mavsumdagi natijalariga bag’ishlanadii.

Turnir jadvaldali

№	Jamoa nomi	O’	G’	D	M	T-N	O
1.	Arsenal	22	16	3	3	43-19	51
2.	Manchester Siti	22	16	2	4	63-25	50
3.	Chelsi	22	15	4	3	42-19	49

   22 turdan keyin jadvalni hozircha «Arsenal» jamoasi boshqarib turibdi. Biroq Arsen Venger shogirdlarini  «Manchester Siti» va «Chelsi» klublari izma-iz ta’qib qilib kelyapti. Ko’pchilik bu poygada «Siti»ning ustun chiqishini ta’kidlashmoqda. Boisi shaxarliklar deyarli barcha raqiblarini yer tishlatib kelishmoqda. Biroq Londonning 2 klubi Premer ligani yutish uchun «Siti»ga yetarlicha raqobat tug’dirishlari aniq.

Uydagi natijalar

№	Jamoa nomi	O’	G’	D	M	T-N	O
1.	Manchester Siti	11	11	0	0	42-8	33
2.	Chelsi	11	10	1	0	25-9	31
3.	Arsenal	11	8	2	1	20-6	26

   «Manchester Siti» «Etihad-Stedium»da mehmonlarni gollar shousi bilan siylashni xush ko’rmoqda. Jumladan «Norvich»ga 7 ta, «Arsenal» va «Tottenxem»ga 6 tadan, «MYU»ga 4 ta gol sov’g’a qilib g’alaba qozondi. O’z maydonidagi barcha 11 uchrashuvda ham muvaffaqiyat qozongan Pelegrini shogirdlari har o’yinga o’rtacha 4 tadan to’p kiritishga muyassar bo’lishgan. «Chelsi» esa o’z maydonida faqatgina «Vest Bromvich» bilan murosa ko’chasini tanladi, qolgan barcha 10 ta jamoa ham «Stemford Bridj»dan quruq qaytdi. Jumladan «Manchester Siti» ham. «Arsenal» chempionatni o’z maydonida «Aston Villa»ga mag’lubiyatga uchrash bilan boshlagandi. Venger shogirdlari uylarida 7 ochko yo’qotishga majbur bo’lishgan.

Safardagi natijalar

№	Jamoa nomi	O’	G’	D	M	T-N	O
1.	Arsenal	11	8	1	2	23-13	25
2.	Chelsi	11	5	3	3	18-11	18
3.	Manchester Siti	11	5	2	4	20-17	17

   Safarda qayd etilgan natijalar borasida «Arsenal» 2 ta ta’qibchisiga qaraganda ajoyib natijaga ega. «Kanonirlar» safarda ham, xuddi o’z maydonlaridagidek natijalarni qayd etishgan. 11 o’yinda bor yo’g’i 1 ta mag’lubiyat, u ham «MYU»dan qabul qilingan. «Chelsi» safardagi o’yinlarning yarmida ham g’alaba qozona olmagan. Shuningdek mehmonda 3 ta mag’lubiyat va 3 ta durang ham «Arsitokrat»larga tegishli. «Manchester Siti» uyda qanchalik qo’rqinchli bo’lmasin, mehmonda buning aksi. Jamoa safardagi dastlabki 6 o’yinning 4 tasini boy berganligi so’zimizning isbotidir. Fagaqatgina so’nggi paytlarda Pelegrinni o’z jamoasini safarda ham ijobiy natijalar qayd eta olishini isbotladi.

Birinchi taymdagi natijalar

№	Jamoa nomi	O’	G’	D	M	T-N	O
1.	Manchester Siti	22	13	7	2	28-8	46
2.	Chelsi	22	10	9	3	19-9	39
3.	Arsenal	22	10	9	3	15-6	39

   Jamoalarning 1-taymda ko’rsatgan natijalariga e’tibor qaratsak, bu borada «Siti»ning yaqqol ustunligini ko’rishimiz mumkin. Manchesterliklar 1-taymlarning 13 tasida g’alaba bilan, 2 marotaba esa mag’lubiyatga uchragan holda tanaffusga chiqib ketishgan. «Chelsi» va «Arsenal» klublarining ko’rsatkichlari esa bir xil. Gollarga e’tibor qaratsak «Arsenal» 1-taymda unchalik gollar urolmaganligining guvohi bo’lamiz.

Ikkinchi taymdagi natijalar

№	Jamoa nomi	O’	G’	D	M	T-N	O
1.	Arsenal	22	14	5	3	28-13	47
2.	Manchester Siti	22	13	6	3	33-17	45
3.	Chelsi	22	9	10	3	24-11	37

   Venger shogirdlari 2 ta raqibiga qaraganda 1-bo’limda yaxshiroq natija qayd eta olmagan bo’lsa ham, 2-taymda ulardan yaqqol ustun ekanligini isbotladi. «Kanonirlar» 22 o’yinning 14 tasida 2-taymni o’z foydalariga hal qilishgan. «Siti» esa «Arsenal»dan ozgina orqada qolayotgan bo’lsa, Mourinyo shogirdlarining ishlari ikkinchi 45 daqiqalikda unchalik ham yurishavermaydi.

Gollar grafikasi

Daqiqa	Arsenal	Manchester Siti	Chelsi
1-10	3-0	6-0	3-3
11-20	4-1	8-1	5-2
21-30	3-3	4-3	3-1
31-40	4-1	6-2	6-0
41-50	3-3	9-3	3-6
51-60	4-1	9-3	5-0
61-70	8-3	5-2	4-4
71-80	5-2	8-3	3-1
81-90	9-5	7-8	11-3

   Jamoalarning gollar grafikasiga ham alohida to’xtalib o’tsak. «Arsenal» dastlabki 10 daqiqada o’z darvozasidan birorta ham gol olib chiqmagan. Ko’pgina gollarini esa jamoa so’nggi 10 daqiqalikda nishonlagan. Shuningdek so’nggi daqiqalarda o’z darvozasidan ko’proq gollar o’tkazib yuborgan. «Mnchester Siti» ham ilk 10 daqiqalikda gol o’tkazib yubormagan va shu vaqtlar ichida 6 ta gol urishga muvaffaq bo’lgan. «Shaharliklar» tezkor gol urishga ancha o’ch hisoblanishadi. Dastlabki 20 daqiqa ichida ular 14 ta gol urishgan va bor yo’g’i 1 tagina gol o’tkazib yuborishgan xolos. Pelegrinni shogirdlari o’yinning so’nggi daqiqalarida o’z darvozalaridan ko’proq gol o’tkazib yuborishgan. «Chelsi» jamoasi so’nggi daqiqalarda gol urishni yaxshi ko’radi. 11 marotaba o’yinning so’nggi qismida gol kiritishgan «Arsitokratlar» 1-taym oxiri va 2-taym boshlarida o’z darvozlaridan ko’proq to’p olib chiqishgan.

Xet-triklar

«Chelsi»

Tur	Futbolchi	Uchrashuv	Daqiqalar
22	Samuel Eto’O	Chelsi-MYU	17,45,49

   Uchta jamoa futbolchilaridan faqtgina «Chelsi»ning kamerunlik futbolchisi Samuel Eto’O «xet-trik» qayd etgan. Uni ham so’nggi turda «MYU»darvozasiga yo’llagan. «Siti» va «Arsenal» futbolchilari ushbu mavsumda hali bitta o’yinda 3 ta gol kiritishmagan.

Dubllar:

«Arsenal»

Tur	Futbolchi	Uchrashuv	Daqiqalar
2.	Lukash Podolski	Fulxem-Arsenal (1:3)	41,67
4	Aron Remzi	Sandrlend-Arsenal (1:3)	67,75
8	Mesut O’zil	Arsenal-Norvich (4:1)	58,88
12	Olive Jiru	Arsenal-Sautgempton (2:0)	22,86
13	Aron Remzi	Kardiff-Arsenal (0:3)	29,90
16	Teo Uolkott	Man.Siti-Arsenal (6:3)	31,63
18	Teo Uolkott	Vest Xem-Arsenal (1:3)	68,71
22	Santi Kasorla	Arsenal-Fulxem (2:0)	57,62

«Manchester Siti»

Tur	Futbolchi	Uchrashuv	Daqiqalar
5	Serxio Aguero	M.Siti – MYU (4:1)	16,47
8	Serxio Aguero	Vest Xem-M.Siti(1:3)	16,51
12	Xesus Navas	M.Siti-Tottenxem (6:0)	1,90
12	Alvaro Negredo	M.Siti-Tottenxem (6:0)	34,54
12	Serxio Aguero	M.Siti-Tottenxem (6:0)	40,50
13	Samir Nasri	M.Siti-Suonsi (3:0)	58,77
14	Yaya Ture	Vest Bromvich-M.Siti (2:3)	24,74
16	Fernandinyo	M.Siti-Arsenal (6:3)	51,90

«Chelsi»

Tur	Futbolchi	Uchrashuv	Daqiqalar
8	Edin Azar	Chelsi-Kardiff (4:1)	33,82
12	Frenk Lempard	Vest Xem-Chelsi (0:3)	21,81
14	Edin Azar	Sandrlend-Chelsi (3:4)	36,62
15	Shyurrle	Stok Siti-Chelsi (3:2)	9,53

  «Arsenal» futbolchilari mavsum davomida 8 marotaba «dubl» qayd etishgan. Teo Uolkott va Aron Remzilar bu ishni 2 bora uddalashgan bo’lsa, O’zil, Podolski, Jiru va Kasorlalar bitta o’yinda bir martadan 2 ta gol urishga muvaffaq bo’lishdi. «Manchester Siti» futbolchilar ham  «kanonirlar» singari 8 ta «dubl» kiritishgan. Serxio Aguero esa bu ishni naq uch marta uddaladi. «Tottenxem»ga qarshi o’tkazilgan bahsda «Siti»ning bir yo’la 3 nafar a’zosi maydonni 2 tadan gol urib tark etishgan. «Chelsi»da esa «dubl»chilar bor yo’g’i 4 ta. Qiziq tomoni barchasi yarim himoya chizig’I vakillariga tegishli. Eto’O ku bir o’yinda 3 ta gol ura oldi, biroq Fernando Torres va Demba Ba kabi hujumchilar bitta o’yinda uzog’i bilan 1 ta gol urishmoqda xolos.

Penalti tepish bo’yicha natijalar

Jamoalar	Penaltilar
Arsenal	2-2
Manchester Siti	2-0
Chelsi	2-0

   Penalti tepish bobida uchta jamoa ham bir hildan 2 marotaba penalti tepishgan. Faqatgina «Arsenal» qolgan 2 raqibidan farqli o’laroq o’z darvozasi tomon 2 marta penaltyitepilishiga yo’l qo’ygan.

Avtogollar bo’yicha hisoblar

Jamoalar	Penaltilar
Manchester Siti	2-2
Chelsi	2-0
Arsenal	0-0

   «Chelsi» 2 marta avtogollardan manfaat ko’rgan. «Siti»ham shunday. Biroq «shaharliklar» shuningdek 2 bora o’z darvozalarini ham o’qqa tutishgan. «Arsenal» jamoasi esa avtogollarni yoqtirmaydigan jamoalar sarasiga kiradi.

Barcha gollar

Manchester Siti

Futbolchi	1-taym	2-taym	Umumiy
Serxio Aguero	8	6	14
Yaya Ture	4	7	11
Alvaro Negredo	6	3	9
Edin Jeko	2	4	6
Samir Nasri	-	4	4
David Silva	2	2	4
Xesus Navas	2	2	4
Fernandinyo	-	3	3
Vinsent Kompani	1	1	2
Nastasich	-	1	1
Milner	-	1	1
Aleksandr Kolarov	-	1	1
Avtogollar	1	1	2

Arsenal

Futbolchi	1-taym	2-taym	Umumiy
Olive Jiru	6	3	9
Aaron Remzi	2	6	8
Teo Uolkott	1	4	5
Mesut O’zil	-	4	4
Lukash Podolski	1	2	3
Santi Kasorla	1	2	3
Lyuk Uilsher	2	1	3
Per Mertesaker	1	1	2
Nikolas Bendtner	1	1	2
Bakari Snya	-	1	1
Gnabri	-	1	1
Mikael Arteta	-	1	1
Mate Flamini	-	1	1

Chelsi

Futbolchi	1-taym	2-taym	Umumiy
Edin Azar	4	5	9
Samul Eto’O	5	1	6
Oskar	3	3	6
Fernando Torres	1	3	4
Frenk Lempard	3	1	4
Shyurrle	2	1	3
Jon Terri	-	2	2
Villian	-	2	2
Branislav Ivanovich	-	1	1
Jon Obi Mikel	-	1	1
Keyxill	-	1	1
Demba Ba	-	1	1
Ramires	1	-	1

   Gol kiritishda «M.Siti» Premer ligada yaqqol peshqadam hisoblanadi. Jamoaning 63 ta goliga 12 nafar futbolchi mualliflik qilgan. 2 tasi esa avtogol ekanligi haqida yuqorida aytib o’tgan edik. Jamoa to’purari Serxio Aguero 14 ta goli bilan chempionatda Suaresdan keyingi 2-o’rinda bormoqda. Yaya Turening natijasi esa biroz hayratlanarli. Yarim himoyachi Premer ligada naq 11 bora zafar quchgan. «Chelsi»ning 3 ta hujumchisining natijalari ham Yayanikiga yeta olmaydi. «Arsenal»da Jiru va Remzi to’purarlik qilishmoqda. Klubning kiritgan 43 goli, 13 nafar futbolchi hisobiga yozilgan. «Chelsi»da to’purarlik qilishda yarim himoyachilar jonbozligi bilan ajralib turishibdi.

Eng tezkor gol

Daqiqa	Futbolchi	Uchrashuv	Tur
1	Xesus Navas	M.Siti-Tottenxem (6:0)	12
2	Nikolas Bendtner	Arsenal-Xall Siti (2:0)	14
4	Oskar	Norvich-Chelsi (1:3)	7

   Ushbu mavsumdagi eng tezkor gol Xesus Navasning hisobiga yozilgan. U «Tottenxem» bilan o’yinning dastlabki daqiqasidayoq darvozani ishg’ol qildi. «Arsenal»ning eng tezkor goli Nikolas Bendtner hisobida. U 2-daqiqadayoq «Xall Siti» posbonini hafa qilgan. Oskar esa «Chelsi»ning ushbu mavsumdagi tezkor golini kiritdi.

Birinchi bo’lib gol urgan uchrashuvlardagi natijalar

Jamoa	G’alaba	Durang	Mag’lubiyat
Arsenal	15	1	1
Manchester Siti	14	1	2
Chelsi	10	1	1

   «Arsenal» o’zi hisobni ochgan 17 uchrashuvning 15 tasida g’alaba qozongan. Faqatgina 1 martadan durang o’ynagan va mag’lubiyatga uchragan. «Chelsi»ning natijasi ham deyarli shunday, faqat g’alabalari soni 10 tani tashkil qilmoqda. «Man.Siti» ham 17 bahsda hisobni ochgan va 14 tasida g’alabani saqlab qolgan.

Birinchi bo’lib gol o’tkazib yuborgan uchrashuvlardagi natijalar

Jamoa	G’alaba	Durang	Mag’lubiyat
Chelsi	4	1	2
Manchester Siti	2	0	2
Arsenal	1	1	2

   Iroda ko’rsatishda Mourinyo shogirdlari ancha yaxshi natijaga ega. Joze «Real»ni boshqarganida ham, irodali g’alabalarga ko’p erishgan. «Aristokratlar» 7 o’yinda dastlab o’z darvozlaridan to’p olib chiqishgan va shularning 4 tasida muvozanatni tiklash bilan birga, yutuqni ham o’z tomonlariga og’dirib olishgan. «Shaharliklar» va «kanonirlar» 4 tadan o’yinda birinchi bo’lib darvozlaridan to’p olib chiqishgan.

Gol o’tkazmagan va gol urolmagan uchrashuvlar soni

Jamoa	Gol o’tkazmagan o’yin- gol urolmagan o’yin
Arsenal	10-2
Chelsi	8-4
Manchester Siti	7-2

   «Arsenal» 22 ta o’yinning 10 tasida o’z darvozasi dahlsizligini saqlab qolgan. 2 ta uchrashuvda esa raqib darvozlariga yo’l topa olmagan. «Chelsi» klubi naq 4 o’yinda gol kirolmaganligi esa biroz ajablanarli tuyulishi mumkin. «Siti» gol qo’yib yubormaslik borasida London klublariga imkoniyatni boy bermqoda.

1-taymlarda gol o’tkazmagan va urolmagan uchrashuvlar soni

Jamoa	Gol o’tkazmagan o’yin- gol urolmagan o’yin
Arsenal	17-10
Manchester Siti	14-6
Chelsi	13-9

   «Arsenal» 1-taymlarning 17 tasida o’z darvozasidan birorta ham to’p olib chiqmagan. Shuning bilan birga naq 10 tasida o’zi ham gol urolmagan. «Siti» esa bor yo’g’i 6 ta o’yinning 1-taymida golsiz tanaffusga chiqib ketgan. «Chelsi»ning natijalari esa 13 ga 9.

2-taymlarda gol o’tkazmagan va urolmagan uchrashuvlar soni

Jamoa	Gol o’tkazmagan o’yin- gol urolmagan o’yin
Chelsi	15-8
Arsenal	13-5
Manchester Siti	12-4

   Ikkinchi taymlarning eng sust jamoasi «Chelsi» klubi. Ular 15 o’yinning 2-bo’limida gol o’tkazishmagan va yana 8 tasida o’zlari ham gol urolmaganlar. «Arsenal» 5 ta, «Siti» esa 4 ta uchrashuvda so’nggi bo’limni golsiz tark etishgan.

Yusupov Furqat

Manba: furqatyusupov.blogspot.com