суббота, 16 ноября 2013 г.

«EL KLASSIKO»DAN SHARXLAR («El-Klassiko» sharxlovchilar kundaligidan...)


   - «Barselona»-«Real» uchrashuvi. Albatta bugun kimdir g'alaba qozonadi. Ammo muxlislarni boshqa narsa qiziqtirmoqda. Tezkor gol nechanchi daqiqada kiritiladi. Messi va Ronaldu «dubl» yoki «xet-trik» qayd etishadimi? Balki «poker» ham bo'lib qolar. Umuman olganda kim qancha gol urarkan.

   - Krishtianu Ronalduning boshi bilan tepgan zarbasi noaniq ketdi.

   - Mezbonlarning yangi futbolchisi Xordi Albaga o'ynash uchun ikki narsa yetishmayapti: oyoq va bosh

   - Pedroning yo'llagan zarbasi stadionni tark etdi.

   - O'zilning oyog'i to'pni tepishda adashib qoldi.

   - Lionel Messi bugun muxlislar uchun o'ynamoqda. U ishqibozlar zerikib qolmasliklari uchun to'pni tez-tez ular tomon yo'naltirmoqda

   - Chap qanotdan Di Mariya to'pni Benzemaga yetkazib berdi. Karim esa chap boshi bilan darvozaning o'rta burchagini nishonga oldi.

   - Negadir bugun Inestaning o'yini jonli chiqmayapti. Nahotki Andreas ham «fonogramma» qilayotgan bo'lsa.

   - Messi to'pni sevib qolgan ko'rinadi. Undan ajralgisi kelmayapti.

   - Madridliklarning birorta futbolchisi to'pni olish uchun o'zini taklif qilmayapti.

   - Aleksis Sanches Messining rejasini tushunmay qoldi, u esa hujumga taklif qilgan edi.

   - Krishtianu o'z oyog'i bilan tez choparlik borasida bellashmoqda.

   - Benzema o'zining o'yindan tashqari holatda qolib ketishiga hakamni aybdor deb bilayapti

   - Di Mariya jarohat olgan bo'lsa-da, maydonga qaytishni afzal ko'rdi. Kasalxona unga yoqmagan shekilli

   - Jarima zarbasining oldida Ronaldu. Bizga Shakirani yirik planda namoyish etishayapti. Ko'rinishidan u Pikening «jonli devor»da turganidan xavotirda.

   - Ronaldu tomon turli predmetlar uchib kela boshladi, uning o'rnida bo'lganimda kollektsiya yiqqan bo'lardim

   - Bahsli vaziyat. O'yin tizginini qo'ldan chiqarib yuborgan hakam Iguainga nisbatan ishlatilgan qo'pollik uchun penalti belgilashga qiynalib qoldi. Bir tomondan ikkala jamoa futbolchilarining vajohatlari, ikkinchi tomondan esa stadiondagi muxlislarning hayqirig'i, uchinchi tomondan Mourioning bosimi... Najot istab qanot hakamiga qaragandi, u ham ko'zini olib qochdi

   - Hakamning qaroridan darg'azab bo'lgan Pepe hakamga e'tiroz bildirish maqsadida, vajohat bilan uning oldiga borayotgandi. Lekin bitta sariq kartochkasi borligi esiga tushib qoldi, shekilli, hakamga hammasi joyida degandek imo qilib qo'ydi.

   - Iguainning zarbasidan so'ng to'p darvoza ustuniga tegib Valdesning qo'llarini topdi. Valdes «Va-ha-ha yaxshiyam akfa romlari bor ekan. bo'lmasam aniq kirib ketardi» deyotgan bo'lsa neajab.

- «Barselona»-«Real» 0:1. Uchrashuvning 90-daqiqasi. Hozir mezbonlarga gol kerak! Juda ham zarur... Mana uni qabul qilib ham olishdi...

Yusupov Furqat

Manba: furqatyusupov.blogspot.com

Комментариев нет:

Отправить комментарий